Caawa fiidkii ayay aheyd markii Hoyga uu Magalada Baydhabo ee Xarunta Gobolka Baay ka degan yahay Xildhibaan Carfo Ibaahim Aadan oo ka tirsan Baarlamaanka Koonfur Galbeed karna soo noqday Guddoomiyaha Guddiga doorashada Koonfur Galbeed wallow markii dambe is casilay.
Xildhibaanka oo Caawa wareysi siiyay Radio Dalsan ayaa sheegay in bambaanooyinka gurigiisa lagu weeraray ay ka dambeeyeen Al-Shabaab,isla markaana xilliga bambada lagu tuurayay uu isaga guriga ka maqnaa.
Waxa uu sheegay in weerarkaasi bambaano ay ku dhaawacmeen laba ka mid ah ilaaladiisa iyo laba ruux oo kale oo wadada mareysay,hayeeshee uu sheegay in raggii weerarka geystay ay baxsadeen.
Wararka Caawa naga soo gaaraya Magalada Baydhabo ee Xarunta Gobolka Baay ayaa waxa ay sheegayaan in Caawa bambaanooyin lagu weeraray Hoyga uu Magalada Baydhabo ka degan yahay Xildhibaan ka tirsan Baarlamaanka Koonfur Galbeed Soomaaliya,marna soo noqday Guddoomiyaha Guddiga doorashooyinka Koonfur Galbeed,hayeeshee uu markii dambe is casilay.
Rag la sheegay inay wateen gaari ayaa Hoyga Xildhibaan Carfo Ibraahim Aadan bambaanooyin ku weeraray,waxaana lagu soo waramayaa in bambaanooyinkaas ay ku dhaawacmeen laba ruux oo mid ka mid ah ilaalada Xildhibaanka uu yahay iyo qof wadada marayay.
Isaga sii hadlayay ayuu sheegay in ragga bambaanooyinka Hoygiisa ku weerarayay wateen Gaari yar oo nooca raaxada ah,balse weerarka kadib ay rasaas ku fureen Ciidamada ilaalada ka ah hoygiisa,kaidbna ay baxsadeen.
Hoos Ka Dhageyso Wareysiga Xildhibaan Carfo Ibaahim Aadan.
