Inta la xaqiijiyey saddex ruux ayaa geeriyootay halka tiro kale ay ku dhaawacmeen,kadib markii uu la rogmday Gaari bas ah oo ay saarnaayeen.
Shilkaan ayaa ka dhacay deegaan lagu Magacaabo Abdaal oo duleedka Magalada Hargeysa,waxana dad ka badbaaday ay sheegeen in Gaariga uu ka tegay Magaalada Hargeysa,isla markaana uu kusii jeeday Magalada Berbera.
Maxamed Xasan oo ka mid ah dadka ku nool Magalada Berbera ayaa sheegay in 9 Ruux oo kale oo ku dhaawacantay shilkaas la geeyey Isbitaal ku yaalla Magalada Berbera si loogu daweeyo.
Shilka ayaa yimid kadib markii gaariga uu wadada ka baxay,(Fariin goostay) waxaana saarnaa ku dhawaad 15 Ruux,oo saddex ka mid ah ay geeriyoodeen.
Maalmihii la soo dhaafay ayaa waxaa deegaanada Soomaaliland ku soo badanayay shilalka gaari,iyada oo dhawaan shil gaari ay ku geeriyoodeen dad Shacab ah uu ka dhacay deegaano ka tirsan Soomaaliland.
