Madaxweyne Uhuru Kenyatta ayaa shaaca ka qaaday in xayiraadda laga qaadi doono Shirkadaha Xawaaladaha ee dhowr bilood ka hor la xiray, kadib, markii lagu eedeeyey inay taageeraan Alshabaab.
Waxa uu xusay in 13-ka Shirkadood laga qaadi doono xayiraadda, isla marka la garwaaqsao inaysan ku lug lahayn Dhaqaalaha loo adeegsado falalka Argagixisadda.
Waxa uu Bangiga Dhexe ee Kenya ugu baaqay inay la socdaan Hawlaha Shirkadaha Xawaaladaha.
Bishii April 10-dii ayey Dowladda Kenya waxay xirtay 13 Xawaalad oo ay ka mid yihiin Dahabshiil, Hodan Global, Tawakal, UAE Exchange, Kendy iyo Continental Money Transfer.
Dhinaca kale, Madaxweynaha Kenya waxa uu sheegay in dib loo eegi doono sidii Bandowga Bishan Ramadaan looga qaadi lahaa Mandheera, Garissa, Lamu iyo Gobalka Tana River.
Waxa kaloo uu ku amray Wasiirrka Arrimaha gudaha Kenya, Joseph Nkaissery inay sugaan ammaanka, isla markaana hubaal ka dhigaan inaysan Dagaalamayaasha Alshabaab weerar soo qaadin bishan Ramadaan.
Xigasho:- The Star
© Warqabadka Radio Dalsan
