Howlgal ballaaran ayaa ka bilaawday deegaanno ka tirsan Gobolka Shabeelada Dhexe,iyadoo waqtiyadii ugu dambeeyey Ciidamo ka tirsan Xooga Dalka iyo kuwa AMISOM ay fariisimo militari ka sameysteen deegaanno dhowr ah oo u dhaxeeya magaalooyinka Balcad iyo Jowhar ee Gobolkaasi.
Goobaha ay ciidamadaasi saldhigyada ka sameysteen waxaa kamid ah deegaanada Gololey iyo Haanshiikh oo tiro dhowr jeer ay weeraro iyo qaraxyo ay ka fuliyeen Al-Shabaab.
Saraakiisha ayaa ujeedka ay ciidamadaasi fariisinka uga sameysteen halkaasi ku sheegay in ay tahay ka hortaga dhibaatooyinka Alshabaab ay ka geystaan waddooyinka inta lagu guda jiro safarka,kuwaasi oo shacabka ku dhibaateeya qaraxyada dhulka lagu aaso iyo weeraro gaadmo ah.
Sikastaba fariisinka Ciidamada Dowladda iyo kuwa AMISOM ay ka sameesteen Wadada xiriirisa Balcad iyo jowhar ayaa waxa ay ku soo aadeysaa xili dhawaan Madaxweynaha Maamulka Hir-Shabeelle uu sheegay in qorshaha dagaal ay ka dhan ah Al-Shabaab ay dhaqaalo ku bixinayan sidii loo joojin laha dad ku sugan Magaalada Muqdisho.
