Xiisad cusub ayaa ka dhex taagan Pakistan iyo maamulka Taalibaan ee Afghanistan, kadib eedeymo ku saabsan iska horimaad ka dhacay xuduudda labada dal.
Af-hayeenka Ra’iisul Wasaaraha Pakistan ee Warbaahinta Dibadda, Musharraf Zaidi, ayaa ku eedeeyay maamulka Taliban inay rasaas “aan sabab lahayn” ku fureen goobaha xuduudda ee Torkham iyo Tirah.
Qoraal uu ku baahiyay barta X Talaadadii, ayuu ku sheegay in ciidamada ammaanka Pakistan ay si degdeg ah uga jawaabeen rasaasta, islamarkaana ay joojiyeen waxa uu ku tilmaamay “weerarkii Taliban.”
Musharraf Zaidi ayaa sidoo kale ku hanjabay in “wax kasta oo kicin ah looga jawaabi doono si dhakhso leh oo xoog leh,” taasoo muujinaysa in xaaladda xuduudda ay weli tahay mid kacsan.