Ruushka oo qaaday weerar cirka ah oo culus iyo qaraxyo xooggan oo laga maqlay Kyiv

Ruushka ayaa qaaday weerar cirka ah oo cusub oo xooggan, kaas oo qaraxyo waaweyn laga maqlay gudaha caasimadda Ukraine ee Kyiv, sida ay sheegeen masuuliyiinta dalkaasi. Weerarkan ayaa yimid iyadoo dadaallo diblomaasiyadeed oo caalami ah ay socdaan, kuwaas oo lagu doonayo in lagu dhammeeyo dagaalka jiitamaya.

Maamulka Kyiv ayaa dadka ku dhaqan qaar ka mid ah xaafadaha caasimadda ugu baaqay inay ka fogaadaan dhismayaasha dhaadheer iyo goobaha bannaan, iyagoo ka cabsi qaba weerarro kale oo soo noqnoqda.

Dhanka kale, magaalada Geneva waxaa ka socda shir ay isugu yimaadeen dalal Yurub ah oo taageera Ukraine, si ay uga wada hadlaan xal u helidda colaadda Ruushka iyo mustaqbalka amniga gobolka.