Maxkamadda Ciidamada Qalabka Sida ee Soomaaliya ayaa saaka xukun dil toogasho ah ku fulisay saddex nin oo ka tirsanaa maleeshiyada Al-Shabaab, kuwaas oo kala ahaa Cabdiraxmaan Maxamed Cabdullaahi “Maaxi Yoonis” iyo Ibraahim Aadan Maadeey.
Ragga la toogtay ayaa ka tirsanaa qeybaha Jabhadaha iyo dilalka gaadmada ah, waxaana lagu helay dambiyo culus oo ay Muqdisho ka fuliyeen, kuwaas oo lagu beegsaday shakhsiyaad muhiim ku dhex lahaa bulshada.
Xukunkaan ayaa imaanaya maalmo kaddib markii isla maxkamaddu dil toogasho ku fulisay xubno kale oo Al-Shabaab ka tirsanaa, kuwaas oo sidoo kale lagu helay dilal qorsheysan.
Maxkamadda Ciidamada Qalabka Sida ayaa weli gacanta ku haysa xubno kale oo ka tirsan Al-Shabaab oo horey loogu xukumay dil, kuwaas oo lagu wado in dhawaan xukunka lagu fuliyo.
