Ciidamada gaarka ah ee Kumaandooska Danab ee Xoogga Dalka Soomaaliyeed ayaa maanta si guul leh u fuliyay howlgal qorsheysan oo ka dhacay deegaanka Harboole ee gobolka Jubada Hoose, kaas oo lagu beegsaday horjoogayaal iyo xubno sare oo ka tirsan kooxda ah ee Al-Shabaab.
Howlgalka oo si xeeladaysan loo qorsheeyay, ayaa lagu dilay xubno muhiim ah oo muddo dheer ku jiray liiska dadka laga baadi-goobayo, kuwaas oo ku lug lahaa falal amni-darro, afduubyo iyo weerarro argagixiso ah oo ka dhacay gudaha dalka iyo dalalka deriska ah.
Intii uu socday howlgalka, ciidamada Danab waxay gacanta ku dhigeen hub iyo saanad millatari oo alshabaab u adeegsan jirtay weerarada ka dhanka ah shacabka Soomaaliyeed, taasoo caddeyn u ah guusha ay ciidamada amniga ka gaareen howlgalkan muhiimka ah.
