Ciidanka Booliska Puntland ayaa si cad u beeniyay wararka sheegaya in dad Itoobiyaan ah lagu dilay gudaha Puntland, iyagoo xusay in aysan jirin wax dil ah oo dhacay.
Afhayeenka Booliska Puntland ayaa sheegay in ay jirtay dhacdo yar oo muhaajiriin lagu tuuray dhagxaan, balse eedeysanayaashii falkaas ka dambeeyay la qabtay, sharcigana la horgeyn doono.
Boolisku wuxuu digniin culus u diray cid kasta oo isku dayda inay fowdo abuurto ama waxyeello u geysato dadka ku sugan Puntland, isagoo carrabka ku adkeeyay in qof kasta oo amniga wax u dhimaya la marsiin doono sharciga.
Sidoo kale, Puntland ayaa bilowday howlgallo ballaaran oo lagu baarayo dadka ajaanibta ah, gaar ahaan Itoobiyaanka, kaddib markii falal amni darro ah ay kusoo bateen deegaanada maamulkaas hoos yimaada.
Booliska ayaa mar kale ku celiyay in Puntland ka go’an tahay sugidda badqabka dhammaan dadka ku nool deegaanadeeda, iyadoo aan cidna lagu takoorayn.
