Qaban-qaabadii ugu dambeysay ee lagu aasayo Xaaskii Fanaanka caanka ah ee Dayax Dalnuurshe, Farxiya Cabdirixiin, ayaa ka socota Isbitaalka Madiina ee magaalada Muqdisho. Kumanaan qof oo ka kala socda ehelka marxuumadda, saaxiibada, iyo qeybaha kale ee bulshada ayaa ku sugan goobta loogu diyaar garoobayo janaasadda, iyadoo dareenka guud ee goobta uu ahaa mid aad u kacsan, maadaama ay geeridu saamaysay qalbiyada dadka ku xeeran.
Farxiya Cabdirixiin, oo caan ku ahayd magaca Farhiya The Bosslady, ayaa shalay ku geeriyootay Muqdisho. Geerida Farxiya ayaa noqotay mid aad u saameyn badan, taasoo dhalisay murugo iyo xanuun ballaaran oo ka dhex muuqday bulshada Soomaaliyeed.
Waxaa la xaqiijiyay in geeridu tahay mid ka mid ah kuwa ugu saameynta badan ee dhawaanahaan Soomaaliya ka dhacda, gaar ahaan maadaama ay Farxiya ahayd qof caan ah oo si weyn loogu jecel yahay muusigga iyo hawlaha fanka.
Dareenka dadka ku sugan Isbitaalka Madiina, ee ka qeybgalaya janaasadda Xaaska Fanaanka Dayax Dalnuurshe, ayaa ahaa mid layaableh. Dad badan ayaa si xanuun leh u muujiyay jacaylkooda iyo murugadooda, waxaana goobta laga maqlay oohin iyo qaylo, iyadoo ilinta aan la ceshan karin ay ka muuqatay saaxiibo badan oo si qoto dheer uga naxay geerida Farxiya.
Marxuumad Farxiya waxay ahayd qof saamayn weyn ku leh bulshada Soomaaliyeed, Goordhaw ayaa marxuumadda lagu aasi doonaa qabuuraha ku yaalla degmada Kaxda ee gobolka Banaadir, halkaasoo ay ka bilowday qaban-qaabadii ugu dambeysay ee aaska.
Dadka ku sugan goobta aaska ayaa wada murna iyo duco, iyagoo u ducaynaya in Ilaah janadii fardowsa ka waraabiyo marxuumadda.