Dagaal xoogan ayaa ka soconaya Magaalada Ceerigaabo, iyadoo xaalad cabsi ah ay ka jirto magaalada kadib markii SSC Khaatumo ay ciidankii ugu badnaa ku daabushay magaalada, halkaas oo ay muddooyinkii ugu dambeeyay ku dagaalamayeen Millateriga Somaliland iyo Ciidanka Khaatumo.
Ciidanka Khaatumo, oo lagu magacaabo KSF (Ciidanka SSC Khaatumo), ayaa maanta gaaray magaalada, waxaana ay sheegeen in saacado gudahood ay ku qaban doonaan gacanta magaalada.
Dagaalka ayaa muddo seddex maalmood ah ka socday Ceerigaabo, waxaana burbur xooggan uu gaaray qaybo ka mid ah magaalada, taasoo keentay barakac xooggan oo ka dhacay magaalada. Dadweynaha ku nool magaalada ayaa wajahaya xaalad adag, iyadoo guryaha, suuqyada, iyo xarumaha muhiimka ah ay dhaawacmeen.
Xaaladdan ayaa keentay in dad badan ay ka barakacaan magaalada, iyagoo raadinaya meel ammaan ah.
Baaqyo nabadeed ayaa laga soo diray dhinacyada ku lugta leh, si loo joojiyo dagaalka oo xaaladda aysan uga sii darin. Si kastaba ha ahaatee, dagaalka ayaa weli socda, waxaana saacad walba xaaladdu noqonaysaa mid adag. Ciidamada Khaatumo ayaa ku adkeystay in ay magaalada gacanta ku dhigayaan, halka Somaliland ay ku doodayso inay xakameyso amniga Ceerigaabo.
SSC Khaatumo iyo Somaliland, horay u gay dagaal lagu riiqmay oo ka dhacay Laascaanood, oo ay SSC Khaatumo ku guuleysatay. Xaaladda Ceerigaabo ayaa sidoo kale ka sii dareysa, iyadoo la filayo in dagaalka uu sii socdo, iyada oo labada dhinac ay u muuqdaan inay isku dayayaan inay ku guuleystaan xakamaynta magaalada, taasoo keeni karta in xaaladdu sii adkaato.
Geerigaabo, oo ah xarunta gobolka Sanaag, ayaa noqotay goob dagaal oo aan la saadaalin karin xaaladda siyaasadeed iyo amni ee magaalada.
