Xoghayaha Gudiga Arimaha dibadda iyo Xiriirka Caalamiga ah ee Golaha Shacabka, sidoo kalena ah Xoghayaha Gudiga Saaxibtinimada Baarlamaanada Soomaaliya iyo Shiinaha Xildhibaan Sayid Cali Isaaq Maxamed ayaa Magaaladda Muqdisho kulan kula qaatey Danjiraha Jamhuuriyada Shacabka ee Shiinaha u fadhiya Soomaaliya Wang Yu, waxaa ayna ka wada hadleen xoojinta xiriirka labada Baarlamaan gaar ahaan labada guddi ee arrimo dibadeed.
Safiirka Dowladda Shiinaha u fadhiya Soomaaliya Danjire Wang Yu ayaa ku dheeraadey xiriirka qotoda dheer ee ka dhexeeya Shiinaha iyo Soomaaliya isaga oo xusay ahmiyada ay leedahay Iskaashiga saaxiibtinimada ku dhisan ee ka dhaxeeya labada dal.
Xoghayaha Gudiga Arimaha dibadda Iyo Xiriirka Caalamiga ah ee Golaha ayaa safiirka uga mahadceliyey dowladda Shiinaha taageeradeeda Soomaaliya, waxaa ayna ugu dambeyn isla qaateen in la xoojiyo wada shaqeyn waarta oo dhexmarta dhinacyada.
