Ciidamada dowladda Soomaaliya ayaa howlgallo burburin ah ka fuliyey Dhulka Wasaaradda Arrimaha Gudaha oo ku yaala degmada Boondheere ee magaalada Muqdisho. Howlgalladan ayaa bilaabmay kadib markii maamulka degmada uu go’aamiyay in dadka shacab ah ee halkaas degan laga saaro, si loo fuliyo qorshe dib u dhis ah oo wasaaradda la xiriira.
Dowladda ayaa horay ugu wargelisay dadka deggan xarunta inay ka guuraan, maadaama Wasaaradda Arrimaha Gudaha ay dib ugu baahatay dhulka si loogu adeego dadweynaha Soomaaliyeed. Howlgalkan ayaa sidoo kale qayb ka ah qorshaha guud ee dowladdu ku dooneyso in ay dib u habeyn iyo horumarinta ku sameyso xarumaha iyo dhulalka dowladda
Goobjoogayaal ayaa innoo sheegay in saaka aroortii hore ay ciidamadu tageen halkaasi, kadibna xireen dhammaan waddooyinka soo gala, waxaana soconaya burburinta.Horay sidaan oo kale dowladda Soomaaliya ayaa howlgal burburin ah uga sameysay xaafadda Dab-damiska oo iyadana ahayd dhul dan guud ah, waxaaa laga raray shacabkii deganaaa halkaasi.