Ciidamada badda ee Midowga Yurub ayaa Jimcihii xabsiga dhigay lix qof oo looga shakisan yahay in ay yihiin burcad-badeed Soomaali ah, kadib markii ay rasaas ku fureen markab shidaal oo marayay gacanka cadmeed.
Saraakiisha ciidanka badda ee Midowga Yurub ee hoggaaminayay howlgalka lagu qabtay ragga burcada Soomaalida ah ayaa sheegay in raggaas ay weerareen markabka oo sitay calanka Jasiiradaha Marshall, kaasi oo ku socdaalayay gacanka cadmeed.
Burcada ayaa la tilmaamay inay marka hore rasaas dhowr ah ku fureen markabka shidaalka oo ay saarnaayeen ciidamo hubeysan, waxaana intaas kadib la xusay in ciidankaasi la socday ay iyaguna rasaas kale ugu jawaabeen, taasi oo khasaaro dhalisay.
Rasaasta lagu riday doonta ay wataeen burcad-badeeda Soomaalida ahaa ayaa ku dhacday fuusto shidaal ah oo saarneyd doonta, taasi oo qaraxday, isla markaana uu sababay inay doonta gubato, ay dhaawacmeen raggii weerarka ku qaaday markabka.
Si kastaba, ha’ahaatee Weerarrada badda ee muddooyinkaan socday ayaa hoos u dhigay isu gudubka ganacsiyada ee marin-biyoodkan muhiimka ah ilaa Kanaalka Suweys iyo Badda Mediterranean-ka.
