Taliyaha ciidanka Boliiska S/Guuto Sulub Axmed Firin ayaa xafiiskiisa kulan kula yeeshay saraakiil sa socday Dalka Masar, kuwaasi oo shalay soo gaaray Magalada Muqdisho ee caasimadda dalka.
Ujeedka socdaalka wafdigaan ayaa la xiriira casuumaad uu u fidiyay Taliyaha Ciidanka Boliiska Soomaaliyeed S/Guuto.
S/Guuto Sulub Axmed Firin ayaa saraakiishan uga mahadceliyay aqbalaada casuumaadii uu u fidayay, sidoo kalana uga mahadceliyay garab istaaga ay u sameeyeen Ciidamada Boliiska Soomaaliyeed.
Dhanka kale Saraakiisha ka socday dalka Masar ayaa bogaadiyay hormarka ay ku tilaabsadeen ciidan boliiska Soomaaliyeed, iyaga oo xusay in ay ciidanka boliiska Soomaaliyeed ka taageeri doonaan tababara, xirfadaha iyo guud ahaan hormarada ciidanka.