Laamaha Amniga Gobolka Bari oo dhawaan soo saaray awaamiir Culus oo ku aaddan xaqiijinta ammaanka guud ee Magaalada Boosaaso ee Xarunta Gobolka Bari ayaa sameeyay howgallo amni xaqijiin ah.
Ciidamada ammaanka ayaa xalay magaalada ka bilaabay hawlgallo, waxaana la arkayay Ciidanka oo xaafadaha magaalada guri-guri u baaraya.
Tallaabada ay qaadeen Ciidanka ayaa timid kadib markii guddiga Amniga Gobolka Bari uu shir deg deg ah ka yeeshay xaaladda Boosaaso oo muddooyinkii danbe laga soo sheegayay falal amni-darro ah.
Waxaana  Guddiga oo dhawaan yeeshay kulan ay sheegeen in la bilaabayo hawlgal ciidan oo lagu xasilinayo Amniga Boosaaso islamarkaana magaalada looga sifaynayo shaqsiyaad ku howlan falal amini darro.
Guddiga ayaa sidoo kale soo saaray awaamiir lagu xaqiijinayo amniga Boosaaso oo ay ku jirto in aysan cidna hub ku dhex qaadan karin magaalada islamarkaana aan la ogolayn gaadiidka taariko la’aanta ah.
Magaalada Boosaaso ee Xarunta Ganacsiga Maamulka Puntland ayaa tiro dhowr jeer ah waxaa ka dhacay falal ka dhan ah ammaanka, waxaana hay’adaha amniga Puntland ay tiro dhowr jeer ah sheegeen inay wax ka qaban doonaan.