G/Wakiillada Somaliland oo ansixiyey labadii xeer ee Doorashooyinka isku sidkan

Golaha wakiillada Somaliland ayaa saaka meelmariyay xeerarka doorashooyinka isasaarka ah ee 14 iyo 91.

Xeerarkaan oo si aqlabiyad ah oo gacan taag ah ay u ansixiyeen golaha wakiilladu, ayaa micnuhu yahay in ay ku celiyeen in xeerarkaan ay sii ahaadaan sidii markii hore isla golahaan uu ugu codeeyay.

Tillaabadaan ayaa meesha ka saaraysa wax ka badelkii xeerarkaan ay horey ugu sameeyeen golaha kale ee guurtida Somaliland, waxaana halkaa ka muuqanaya in kala aragti duwanaan labada gole ah ay jirto.

Wixii hadda ka dambeeya waxaa qorshuhu yahay in loo gudbiyo madaxweynaha Somaliland Muuse Biixi Cabdi.