Guddoomiyaha Baarlamaanka Maamulka Puntland  Abdirisak Ahmed Said ayaa magacaabay Guddiga Doorashada Madaxweynaha iyo Madaxweyne ku-xigeenka Puntland, taasi oo maalmaha soo socda ka dhaceysa magaalada Garoowe.
Qoraal ka soo baxday Xafiiska Guddoomiyaha Baarlamanka mudane Cabdirisaaq Axmed Siciid ayaa lagu magacaabay Gudddiga Doorashada Madaxtooyada oo ka kooban 7 Xubnood
Waxaa Guddoomiye looga dhigay Xildhibaan Cabdiweli Yuusuf Warsame oo hore Guddoomiye ugu ahaa Guddigii Doorashada Guddoonka Baarlamanka.
Dhinaca kale waxaa Maanta oo jimco ah magaalada Garoowe kulan ku yeeshay Xildhibaanada Baarlamaanka Puntland, waxaana kulanka guddoominayay  Guddoomiyaha Golaha Wakiillada oo ay wehliyaan Guddoomiye ku-xigeenka 1-aad, Mohamed Baarri Shire iyo Guddoomiye ku-xigeenka 2-aad, Mohamed Mohamoud Isse.
Guddoomiye Cabdirisaaq oo shirka furay ayaa Golaha la wadaagay in loo diyaar garoobo Doorashada Madaxweynaha iyo Madaxweyne ku-xigeenka si waafaqsan Dastuurka iyo Xeer hoosaadka Golaha Wakiillada DPL.
