Faah faahin: Xildhibaan ka tirsanaa Baarlamaankii hore oo lagu dilay Muqdisho

Kooxo hubeysan oo watay Bastoolad ayaa gelinkii dambe ee Maanta oo jimco ah waxa ay Xildhibaan ka tirsanaa Baarlamaankii 9-aad ee dowladda Federaalka ku dileen magaalada Muqdisho.

Dilka ayaa waxa uu si gaar ah uga dhacay xaafad ka tirsan degmada Wadajir, waxaana falkaas loo geystay Ibraahim Saalax Deyfullaah oo ka mid ahaa Baarlamaankii 9-aad ee dowladda Soomaaliya.

Goobjoogayaal ayaa ku warramay in Marxuumka qeybaha sare ee jirka laga toogtay, xilii kasoo baxayay masaajid uu kusoo tukaday salaadii casir ee galabta.

Goobta uu falka ka dhacay ayaa waxaa ka baxsaday kooxihii hubeysnaa ee dilka u geystay Ibraahim Deyfullaah, iyadoo markii dambe meydkiisa laga qaaday goobta oo ay gaareen ciidamo kamid ah kuwa ammaanka dowadda.