Madaxweynaha Jamhuuriyadda Federaalka Soomaaliya Xasan Sheekh Maxamuud oo ka qeyb-galay Shirka maalgashiga Soomaaliya iyo Sucuudi Careebiya ayaa uga warbixiyey fursadaha ballaaran ee maalgashiga Soomaaliya.
Madaxweynaha ayaa dul istaagay muhiimadda goobta istiraatiijiga ah ee uu dhaco dalka iyo kororka joogtada ee dadka Soomaaliyeed ee horumarka ka sameynaya ganacsiga caalamiga ah.
Xasan Sheekh Maxamuud ayaa tilmaamay in iskaashiga dhaqaalaha iyo fududeynta ganacsiga Soomaaliya iyo Sucuudiga ay mudnaan gaar ah siinayaam, dowladduna ay diyaarisay sharciyo dhaqan gal ah oo loo marayo hannaanka maalgashiga dalka.
Madaxweynaha Soomaaliya ayaa ku sugan magaalada Riyaadh ee Boqortooyada Sacuudiga, isagoona halkaasi uga qeyb galay shir deg deg ah oo ay yeesheen hoggaamiyeyaasha caalamka Islaamka, iyaga oo ka arrinsaday xaalada Falastiin.