Dagaal u dhexeeya ciidanka xoogga dalka, kuwa daraawiishta Maamulka iyo ciidanka deegaanka ee macwiisleyda ayaa ka socda Dhagaxdheer iyo Daaday oo hoostaga Caad, dagaalkan ayaa ka bilowday weerar lagu qaaday goob ay ku sugnaayeen Al-Shabaab.
Wararka la helayo ayaa sheegaya in dagaalka xooggiisa uu ka socda dhulka howdka ah ee deegaankaas, waxaana ka dhashay khasaaro dhimasho iyo dhaawac oo dhinacyada kala gaaray, inkastoo aan la xaqiijin weli khasaaraha rasmiga ah ee jira.
Wasiir ku xigeenka Warfaafinta Xukuumadda Federaalka Soomaaliya Cabdiraxmaan Yuusuf Al-cadaala oo la hadlay warbaahinta ku hadasha Afka dowladda ayaa u sheegay in dagaalka khasaaro lagu gaarsiiyay  Al-Shabaab, waa sida uu hadalka u dhigay
Howlgallo burburin ah ayaa labadii maalmood ee la soo dhaafay Ciidanka xooggan ka wadeen Gobollada Mudug iyo Galgaduud, waxaana halkaas loo dilay in ka badan 70 dagaalame iyo saraakiil AS ka tirsaneyd, sida ay sheegeen saraakiisha ciidanka dowladda
