Dabka qabsaday magaalada Milxo ee gobolka Sanaag, ayaa laga cabsi qaba adeegyadii Isgaarsiinta inuu jaro, taa oo xaaladda uga sii dari karta, sida ay sheegayaan wararka aan ka heleyno magaaladaasi.
Dad ku sugan Milxo ayaa waxaa ay kusoo warramayaan in inta badan dhismayaasha iyo goobaha ganacsiga uu dabka bas-beeliyay, isla markaana ma jiro weli wax gurmad ah oo halkaasi gaaray, si loo demiyo dabka xooggan.
Deegaankan uu saameynta baaxada leh gaarsiiyay dabka oo aan lahayn dab damis iyo adeegyada kale ee loo baahnaa ayaa toddobaadkii waxaa la aaminsanyahay kumannaan kun oo dollar in lagu kala iibsado khayraadkeeda uu ugu horreyo dahabka iyo macdanta kale ee laga qodo.
Ma jirto maalgashi iyo adeeg kale oo bulsho oo muuqda oo ay ka dhaxashay magaalada Milxo ee gobolka Sanaag, khayraadka ku jira oo ay ugu horreeyaan dahabka iyo macdanta oo laga qodo.
