Wafdi sare oo ka socday Qaramada Midoobay oo uu hoggaaminayay Kaaliyaha Xoghayaha Guud ee Waaxda Taageerada Hawlgallada Atul Khare ayaa Maanta booqasho ku tagay magaalada Dhuusamareeb ee caasimadda Maamulka Galmudug.
Wafdigaan ayaa kulan gaar ah la qaatay Madaxweynaha Soomaaliya Xasan Sheekh Maxamuud oo todobaadyadii ugu dambeeyay ku sugnaa Dhuusamareeb oo uu halkaasi u joogay dardar-gelinta howlgalka lagula dagaalamayo Al-Shabaab.
War kooban oo la soo dhigay barta X ee Madaxtooyada Soomaaliya ayaa lagu sheegay in Madaxweynaha iyo Kaaliyaha ay ka wad hadleen arimo ay kamid yihiin dagaalka ka dhanka ah Al-Shabaab, bixitaanka ciidanka ATMIS iyo taageerada UNSOS ee Soomaaliya kaddib bixitaanka ATMIS.
Atul Khare oo Madaxweyne Xasan Sheekh iyo Xukuumadda ku boggaadiyay dadaala ay ugu jiraan sidii Soomaaliya u noqon laheyd mid Nabad ah iyo sidii loo dardar-gelin lahaa dagaalka ka dhanka ah Al-Shabaab.
