Qoorqoor oo magacaabay Guddoomiyaha Maxkamadda Sare ee Galmudug

Madaxweynaha dowlad Goboleedka Galmudug Axmed Cabdi Kaariye Qoorqoor ayaa magacaabay guddoomiyaha Maxkamadda Sare ee Galmudug, kadib wareegto kasoo baxday Xafiiska Madaxweynaha.

Madaxweyne Axmed Qoorqoor ayaa Daa’uud Cali Caddow u magacaabay inuu noqdo  Guddoomiyaha cusub ee Maxkamadda Sare ee Galmudug , waxaana dhammaan la faray hay’addaha kala duwan ee Maamulka inay la shaqeeyaan.

Sababta keentay magacaabista Guddoomiyaha Maxkamadda ayaa waxaa wareegtada lagu caddeeyay in baahi Deg-deg ah loo qabo dhisida hay’addaha garsoorka.