Maxkamadda ciidamada qalabka sida ayaa Maanta Arbaco ah waxa ay xukun dil toogasho ah ku riday Askari ka tirsan ciidanka Milateriga dowladda Federaalka Soomaaliya gaar ahaan kuwa ilaalada qaran, kaasi oo dil horey u geystay.
Eedeysanaha askariga ee xukunka lagu riday ayaa lagu magacaabaa Xasan Xuseen Nuur, waxaana uu dil bareer ah u geystay Marxuum lagu magacaabi jiray Xuseen Maxamed Xeri, Maxkamadda ciidamada ayuu kahor qirtay Xasan Xuseen inuu dilkaasi geystay.
Sidoo kale waxa uu Maxkamadda ciidamada kaga hor dooday Xasan Xuseen Nuur oo ka tirsan ciidanka dowladda Federaalka gaar ahaan kuwa ilaalo qaran in lagu yiri Jareer ayaad tahay, waxa ayna fal-celintiisa noqotay in uu riishada ku dhego.
Maxkamadda darajada koowaad ee ciidamada qalabka sida ayaan xukun Dil toogasho ah ku riday Xasan Xuseen Nuur, sida uu Maxamed Cabdi Muumin oo ka tirsan Garsoorka Ciidamada uu u sheegay Warbaahinta.
