Qarax ismiidaamin ah oo uu fuliyey qof isku soo xiray waxyaabaha qarxa ayaa ka dhacay xerada ciidamada ee Kuliyadda Jaalle Siyaad ee magaalada Muqdisho, jugta qaraxa ayaana laga maqlay degmooyin ka tirsan Gobolkaan Banaadir.
Qaraxa ayaa waxaa lala beegsaday oo la isku dhex qarxiyey ciidamo isku dhaf ah oo lagu xareenayay xerada ciidamada ee Kuliyadda Jaalle Siyaad ee Muqdisho, waxaana la sheegay in qofka isa-soo miidaamiyey uu gudaha u galay xerada ciidamada.
Wararka ayaa intaas waxaa ay kusii darayan in xiligii uu qaraxa xooggan dhacaayay ay ciidamada saameynayeen gaardis, ayna ku jireen saf dhaadheer, ciidamada farabadan ayaa isku gadaamay aaga uu qaraxu dhacay, iyaga oona xiray.
Khasaaro isugu jira dhimasho iyo dhaawac ayaa lagu soo waramayaa in qaraxa uu ka dhashay, oo gaaray Askar ka tirsan ciidanka dowladda oo goobta ku sugnaa, isla markaana waxaa durbadii goobta laga daad-gureeyay dhaawacyada oo la geeyay Isbitaal
Ma jiro weli wax war ah oo kasoo baxay saraakiisha ciidanka ammaanka dowladda Federaalka Soomaaliya oo ay uga hadlayaan qaraxaan Maanta ka dhacay magaalada Muqdisho gaar ahaan xerada Damaanyo ee ku taalla degmada Hodan.
