Wasiirka Arrimaha Gudaha, Federaalka iyo Dib u heshiisiinta Xukuumadda Federaalka Axmed Macallin Fiqi iyo wafdi uu hoggaaminayo gaaray caasimadda dowlad goboleedka Galmudug ee Dhuusamareeb, iyagoo halkaas lagu soo dhaweeyay.
Wasiir Fiqi oo wafdigiisa ay kamid yihiin xubno isugu jira heerarka dowladda iyo xubno Beesha caalamka ah ayaa waxaa Garoonka diyaaradaha Dhuusamareeb kusoo dhaweeyay mas’uuliyiin ka tirsan Maamulka Galmudug.
Safarka wasiirka Arrimaha Gudaha Axmed Macallin Fiqi ayaa la xiriira daahfuridda shir maanta dhacaya oo ku saabsan arrimaha Xasillinta iyo Barnaamijka Deegaan Bile ee Galmudug, kaas oo waxtar u leh bulshada deegaanka.
Shirkan oo goordhow ka furmi donna magaalada Dhuusamareeb, isla markaana waxaa ka qeybgalayaan hey’ado kala duwan, waxaana sidoo kale shirka furmaya oo khudbad ka jeedin doona Wasiirka Arrimaha Gudaha, Federaalka iyo Dib u heshiisiinta Xukuumadda.
