Madaxweynaha dowlad Goboleedka Puntland Siciid Cabdullaahi Deni, ayaa magaalada Garoowe ee Xarunta Gobolka Nugaal kulan deg deg ah kuila qaatay Hay’adaha Sharci fulinta sida Golaha Garsoorka iyo Laamaha Amniga Puntland.
Kulanka ayaa waxaa inta uu socday uu saabsanaa shaqo, iyadoo Madaxweyne Saciid Deni uu warbixino ka dhegaystay Golaha Garsoorka iyo Saraakiisha laamaha Amniga, waxayna uga warbixiyeen howlaha amni ee deegaannada Maamulka.
Madaxweynaha Puntland ayaa saraakiisha ammaanka Maamulka ayaa faray inay sii laba jibaaran shaqooyinka lagu xaqiijinayo nabad-galyada, isla markaana loo baahan yahay in laga hortego wax kasta oo keeni kara amni darro dhacda.
Kulanka xalay ayaa yimid saacado ka dib markii Madaxweyne Saciid Cabdullaahi Deni uu xilkii ka qaaday labo Wasiir oo uu ku jiray Wasiirkii amniga Puntland C/samad Gallan oo ka mid ahaa xubnaha ugu saameynta badnaa Maamulkiisa.
