Faah-faahinno kala duwan oo kasoo baxaysa Qarax ka dhacay Magaalada Muqdisho

Qaraxa oo jugtiisa laga maqlay inta badan magaalada ayaa wararka waxaa ay sheegayaan inuu ka dhacay Hoteel ku yaalla Aga-gaarka Godka jilacow.

Hotelka qaraxu ka dhacay ayaa lagu magacaabaa Villa Rosa,waxaana uu ka mid yahay hotelada ku yaalla meelaha sida aadka ah loo ilaaliyo maadaama uu ka ag dhawyahay Godka Jilacow iyo Madaxtooyada,waxaana wararka qaar ay sheegayaan in qaraxa uu weerar barbar socday.

Waxaana wararku ay sheegayaan in masuuliyiin ka tirsan Xukuumadda ay ku jireen Hotelka la weeraray islamarkaana qaarkood lasoo badbaadiyey.

Warar uu helay TV-ga Dalsan ayaa sheegaya in Wasiirada Amniga  iyo Kaluumeysiga laga soo badbaadiyey hotelka la weeraray oo ay ciidamada ka so saareen.

Wali ma cadda khasaaraha guud ee ka dhashay weerarka iyo qaraxaba.

Wasiir u dowlaha wasaaradda Bey’ada iyo isbaddalka Cimilada oo ka mid ah masuuliyiinta qaraxa ka badbaaday ayaa qoraal uu kusoo qoray bartiisa Facebook ku yiri”Waxaa qarax lagu weeraray Hotel Villa Rays oo aan degganahay, markii nala weerarayna aan dhex fadhiyey anigoo salaadda cishe jameecada la soo tukaday. Waan bed qabaa. الحمد لله. Maalin aanan dhaafi doonin ayaa jirta. Intaa ka dib, nama bajin doonaan shuftada dugaagga ah”