Ra’iisul Wasaaraha Xukuumadda Federaalka Soomaaliya Hamza Abdi Barre ayaa xafiiskiisa ku qaabilay Danjiraha cusub ee dowladda Isutagga Imaaraadka Carabta u fadhiya Soomaaliya Ahmad Juma Al Rumaithi.
Ra’iisul Wasaaraha iyo Danjiraha ayaa ka wada hadlay sii adkeynta iskaashiga iyo xiriirka u dhaxeeya labada waddan iyo dardargelinta taageerada dhinacyada kala duwan ee ay dowladda Imaaraadku siiso Soomaaliya.
Dhawaan ayey aheyd markii Madaxweynaha Jamhuuriyadda Xasan Sheekh Maxamuud uu warqadaha aqoonsiga ka guddoomay Danjiraha cusub ee dowladda Isutagga Imaaraadka Carabta u soo magacaawday inuu u fadhiyo Soomaaliya Ahmad Juma Al Rumaithi.
Dowladda Imaaraadka Carabta ayaa kamid ah dowladdaha sida weyn u taageera dowladda Federaalka ee uu hoggaamiyo Madaxweyne Xasan Sheekh, waxaana dalalka Soomaaliya iyo Imaaraadka ka dhexeeya xiriir ku saleysan dhinacyo kala duwan.