Madaxweynaha dowlad Goboleedka Hirshabeelle Cali Cabdullaahi Xuseen Guudlaawe ayaa oo shalay tagay deegaanka masaajid Cali Guduud ee Gobolka Shabeellaha Dhexe ayaa Baaq u diray dadkii ka barakacay deegaankaas oo laga qabsaday Al-shabaab.
Madaxweyne Guudlaawe oo la hadlay warbaahinta ayaa waxaa uu sheegay in deegaanka masaajid Cali Guduud laga saaray Al-shabaab oo in badan ku sugnaa, isla markaana ay gacanta ku hayaan Ciidanka dowladda iyo kuwa deegaanka.
Wuxuu Madaxweynaha Hirshabeelle ugu baaqay dadkii deegaanka ee ka barakacay Cali Guduud ay dib ugu laabtaan guryahooda, wuxuuna intaas hadalkiisa sii raaciyey in dadka aan waxyeelo loo geysan doonin oo si nabad ah deegaanooda ugu noolaanayaan.
Sidoo kale Madaxweyne Cali Guudlaawe ayaa tilmaamay in deegaanka Cali Guduud ay ku arkeen gaadiid lagu gubay halkaas, isagoona sheegay inay falkaas ka dambeeyeen Al-shabaabkii deegaanka laga saaray, waa sida uu hadalka u dhigay Madaxweynaha.
Gaba-gabadii Madaxweynaha Hirshabeelle Cali Cabdullaahi Xuseen Guudlaawe ayaa xusay in Ciidanka dowladda Federaalk iyo kuwa deegaanka ee macwiisleyda ah ay sii wadi doonaan howlgalada deegaanada ay Gobolka kaga sugan yihiin Al-shabaab looga saarayo.
