Abaarta ka jirta Soomaaliya, ayaa ah mid ka sii dareysa maalinba maalinta ka dambeysa, iyadoo ay noqotey cabashada shacabka mid xad dhaaf ah.
Dadka qaar ayaa waxaa abaarta u dheer colaad, ay sheegeen in xaaladda ay uga sii dartay.
Dagaalada ka socda gobolka Hiiraan, ayaa waxay sababeen in qaar ka mid ah dadka degaanadaasi ay ka qaxaan guryahoodii.
Qaar ka mid ah dadka ku barakacay dagaalka kasocda gobolka HIiraan sheegay in ay jirto xaalad nololed oo aad u liidata oo ay wajahyaan haatan, waxaa sidoo kale ay intaa ku dareen in ay u baahan yihiin garab istaag buuxa oo loo sameeyo dadkaasi danyarta ah ee abaaraha iyo colaaduhu saameeyen, waxaana qaar badan oo ka mid ah ay ka barakeceen tuulada Yasooman ee hoostagta degmada Buulo-Burde, ee gobolka Hiiraan.
Qaarkood waxaa galeen safari lug ah oo aad u dhib badan,iyagoo ugu dambeyna gaaray magaalada Baydhabo.