Wararka ka imaanaya degaanka Qaayib ee Gobolka Galgaduud ee bartamaha Soomaaliya ayaa tilmaamaya in degaankaasi ay goordhaweyd gacanta ku dhigeen Ciidanka Xoogga dalka.
Wararku waxaa ay intaas ku darayaan in Ciidamada deegaanka, Daraawiishta Galmudug, Nabad sugidda iyo kuwa xoogga dalka oo iskaashanaya ay ayaa si buuxda ula wareegay deegaanka, kadib markii dagaalamayaasha AL-Shabaab oo degaankaasi fariisimo ku lahaa ay isaga baxeen.
Dagaalamaayaasha AL-Shabaab ayaa la sheegay ka hor inta aysan isaga bixin degaanka in ay dab qabadsiiyeen shirkaddii isgaarsiinta ee dagaankaasi, waxaana sidoo kale ay qarxiyeen sida la sheegay Ceel biyoodkii degaanka.
Degaanka Qaayib ayaa u dhexeeya Baxdo iyo Xiindheere, waxaaana uu ka mid ahaa degaanada ay AL-Shabaab ku xoogganaayeen.
Xaaladda degaanka ayaa hadda degan,waxaana waxaana si buuxda gacanta ugu haya Ciidamada deegaanka, Daraawiishta Galmudug, Nabad sugidda iyo kuwa xoogga dalka.
Wararkii ugu dambeeyay ayaa waxaa ay intaas ku darayaan laga cabsi qabo in AL-Shabaab ay weerar soo qaadaan, maaddaama sida la sheegay aysan wali ka fogaan degaanka, waxaana jirta cabsi ay soo sheegayaan dadka degaanka oo ku aaddan in lagu dul-dagaalamo.
