Ciidamada dowladda iyo Al-shabaab ayaa ku dagaallamay deegaanno ka tirsan Hiiraan, waxaana ka dhashay khasaare kala duwan oo isugu jira dhimasho iyo dhaawac.
Dagaal socday in ka badan 10 saacadood ayaa dhex-maray labada dhinac, waxaana si gaar ah uu dagaalku uga dhacay degeen u dhaw magaalada Buulo-burde, waxaana si gaar ah uu uga dhacay Degaanka Jicibow.
Khasaare kala duwan oo dhimasdho iyo dhaawac leh ayaaa ka dhashay dagaalka oo saacado badan qaatay, waxaana la sheegay in Askar ka tirsan Ciidanka Dowladda ay ku dhinteend agaalkaasi, sidoo kalena ay ku dhaawacmeen tiro intaa ka badan.
Guddoomiyaha degmada Buulaburde ee Gobolka Hiiraan oo Warbaahinta la hadlay ayaa xaqiijiyay in labo Askari oo ka tirsan Ciidanka Al-Shabaab la dagaalamayay ay dhinteen, waxaana sidoo kale dhaawacmay afar kale.
Dhanka Al-Shabaab lama oga-khasaaraha rasmiga ah ee dagaalkaasi lagu gaarsiiyay, inkastoo Saraakiisha Ciidanka ay soo sheegayaan inay khasaaro lixaadleh gaarsiiyeen dagaalamayaasha Al-Shabaab oo ay sheegeen in ay ku go’doomiyeen degaanka Jicibow.
Wakaaladda wararka dowladda Soomaaliya ee SONNA,ayaa baahisay in fariisamadii Al-shabaab halkaa ku lahaayen ay ciidamadu la wareegeen, waxaana intaas ay ku dareen in dagaalkaasi khasaare badan uu ka dhashay.
Gobolka Hiiraan waxaa uu ka mid yahay meelaha maalmihii la soo dhaafay ay ka socdeen dagaalladii ugu cuslaa ee u dhaxeeyay ciidanka dowladda iyo kuwa macawislayda oo is garabsanaya iyo Al-shabaab