- Advertisement -
Guddoomiyaha gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kulan gaar ah oo ku saabsan sidii Haweenka ay qeyb uga noqon lahaayeen xoojinta Amniga iyo la dagaalanka Al-Shabaab la qaatay Wasiirka Haweenka iyo Horumarinta Xaquuqal Insaanka ee Xukuumadda Federaalka Marwo Khadiija Maxamed Diiriye.
Kulanka oo ay goob joog ka ahaayeen Guddoomiye ku-xigeenada Maamulka Gobolka Banaadir iyo Guddoomiyaha Ururka Haweenka gobolka Banaadir, ayaa ugu horeyn lagu bogaadiyay howlgala dib u xureynta ah ee ka socda Gobolada Dalka kaas lagu cirib tiraayo Argagixisada, sidoo kale kulankan ayaa looga hadlay sidii gargaar loo gaar siin lahaa dadka Barakacayaasha ah ee kunool Degmooyinka Muqdisho.
