Wasiirka arrimaha gudaha, federaalka iyo dib u heshiisiinta mudane Ahmed Moallim Fiqi ayaa maanta kulan wadatashi ah waxaa uu la yeeshay odeyaasha dhaqanka ee Galmudug isaga oo kala hadlay kaalintooda la xiriirta dib-u-heshiisiinta, xasilinta deegaannada laga saaray Alshabaab.
Wasiirka waxaa uu iftiimiyey qorshayaasha Al-Shabaab ee ku aaddan Beelaha ay Odayaashu matalaaan, waxaana kulanku intuu uu socday diiradda lagu saaaray arrimodhowr ah oo ku aaddan dagaalka Al-Shabaab.
Wasiir Fiqi waxaa uu ku bogaadiyey beelaha kala duwan sida ay uga gadooodeen Alshabaab, isaga oo adkeeyey in gulufka hadda socda ee ka dhanka ah dagaalamayaasha AL-Shabaab uu gaaro meesha ugu dambeysa.
Wasiir Axmed Fiqi waxaa uu sheegay inuu jiro shirweyne ay isugu iman doonaan reer Hirshabelle iyo reer Galmudug kaas oo lagu qaban doonno Baladweyn ama Dhuusamareeb midkood, waxaa uuna odeyaasha ka dalbaday in ay kaalintooda ka qaataan arrimaha socda.