Madaxweynaha Somaliland Muuse Biixi Cabdi ayaa oo dhinaca cirka ah uga ambabaxay Magaalada Hargeysa ee Caasimadda Somaliland ayaa Maanta oo Axad ah ku gaaray Magaalo madaxda Gobolka Sanaag ee Ceerigaabo.
Safarka Madaxweynaha ayaa la xiriira howlo shaqo, waxaana Madaxweynaha Safarka ku wehelinaayey Guddoomiyaha Golaha Guurtida Somaliland, Saleebaan Maxamuud Aadan, Gudoomiyaha Golaha Wakiilada, Cabdirisaaq Khaliif Axmed, Xildhibaano ka tirsan labada gole, xubno kamida Golaha Wasiirada.
Garoonka diyaaradaha Magaalada Ceerigaabo ayaa waxaa Madaxweynaha iyo wafdigiisa kusoo dhaweeyay Mas’uuliyiin kala duwan, waxaana intaas kadib loo galbiyey dhinaca Xarunta Madaxtooyadda Ceerigaabo
Safarkiisa Shaqo ee Madaxweyne Muuse Biixi Cabdi uu baxay Gobolka Sanaag ayaa qaadan doona maalmo uu halkaasi u joogi doono isaga iyo waftigiisu hawlo shaqo, iyagoona halkaas Maanta lagu soo dhaweeyay.
Madaxweynaha Somaliland Muuse Biixi Cabdi ayaa inta uu ku sugan yahay Magaalo madaxda Gobolka Sanaag ee Ceerigaabo waxaa uu kulamo kala duwan la qaadan doonaa Maamulka Gobolka, Odayaasha dhaqanka iyo qeybaha kala duwan ee Bulshada.
