Taliyaha Ciidanka Xoogga dalka Soomaaliyeed Jeneraal Odowaa Yuusuf Raage ayaa maalintii shalay oo Arbaco aheyd xafiiskiisa ku qaabilay Madaxa cusub ee howlgalka Midowga Yurub ee Soomaaliya Gen.Viglietta.
Kulanka ayaa waxaa looga hadlay inta uu socday adkeynta xariirka wadashaqeynta ka dhexeeysa labada dhinac iyo iskaashiga Ciidanka Xoogga Dalka iyo howlgalka Midowga Yurub ee Soomaaliya, sida ay daabacday Wakaalada Wararka Soomaaliyeed ee SONNA.
Sidoo kale kulanka Jeneraal Odawaa Yuusuf iyo Madaxa cusub ee howlgalka Midowga Yurub ee Soomaaliya ayaa looga arrinsaday xoojinta howlgalada ka dhanka Al-shabaab ee ka socda deegaano iyo degmooyin ka tirsan Gobolada dalka.
Kulanka uu Taliyaha Ciidanka Xoogga dalka Odawaa Yuusuf Raage la yeeshay Gen. Viglietta ayaa waxaa ku wehlinaayay Saraakiil ka tirsan Ciidamada dowladda Federaalka gaar ahaan kuwo ka tirsan Milateriga dalka.