Mallayshiyaad caraysan oo oo kasoo horjeeda in Kursi ka mid ah Golaha Shacabka loo xiro Musharax gaar ah ayaa xalay gadood ka sameeyay Magaalada Baladweyne ee Xarunta Gobolka Hiiraan.
Xalay ayaa gudaha Magaalada lagu arkay Ciidamo aad u hubaysan, kuwaasi oo qarkood ay warbaahinta la hadleen, waxaana ay sheegeen in ay caabsho ka yihiin kursiga Hope30 oo loo xiray sida ay sheegeen Xildhibaan Daahir Amiin jeesow, kaasi in muddo ah ku fadhiyay Kursiga.
Waxaa ay eed u jeediyeen Madaxweynaha Maamul Goboleedka Hirshabelle Cali Guudlaawe Xuseen iyo Kuxigeenkiisa Yuusuf Dabageed, iyagoo sheegay in kursigaaas lala doonayo in mar kale uu daahir Amiin jeesow ku fariisto, taasi oo ay sheegen in aysan u dulqaadan doonin.
Dhanka kale Madaxweyne Cali Guudlaawe iyo Kuxigeenkiisa Yuusuf Dabageed ayaa xalay Magaalada baladweyne ee Xarunta Gobolka Hiiraan kula kulmay Qaar ka mid ah Musharixiin u taagan kuraas Golaha shacabka ah oo deegaan doorashoodu ay tahay Hirshabeelle.
Waxaana Kulanka Xalay ka dhacay baladweye la isku afgartay in Ciidamada faraha badan laga dulqaado magaalada, sidoo kale waxaa la go’aamiyay sida aynu xog hoose ku helnay in aan kursi dambe loo xirin doonin musharax gaar ah.
