Xildhibaan ka tirsanaa Baarlamaanka dowlad Goboleedka Puntland oo lagu magacaabi jiray Bashiir Askar Xuseen ayaa maalintii shalay oo talaado aheyd ku geeriyooday dalka Hindiya oo muddooyinkii dambe uu ku xanuunsanayey halkaas.
Geerida ku timid Xildhibaan Bashiir Askar Xuseen ayaa waxaa xaqiijiyay qaar kamid ah Eheladiisa iyo Mas’uuliyiin kale oo kamid ah Puntland, waxaana la sheegay in Xildhibaanka uu muddooyinkii dambe ku xanuunsanaa dalka Hindiya.
Guddoomiyaha Baarlamaanka Puntland Cabdirashiid Yuusuf Jibriil oo Qoraal soo saaray ayaa ka tacsiyeeyay geerida Marxuum Bashiir Askar Xuseen oo kamid ahaa Baarlamaanka Puntland, wuxuuna Alle uga baryey inuu Janada ka waraabiyo.
“Waxaan si gaar ah ugu tacsiyadeynayaa qoyskii iyo eheladii Allaha u naxariistee Marxuum Bashiir Askar, sidoo kalena waxaa Eebe uga baryayaa Marxuumka inuu Jannadii Firdowsa ka waraabiyo†ayuu yiri Guddoomiye Cabdirashiid Yuusuf Jibriil oo ka hadlaayay geerida Xildhibaanka dhintay.
