Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble ayaa ka horymid heshiis ku aadan xirmooyin shidaal ah oo uu saxiixay Wasiirka Wasaaradda Batroolka Xukuumadda xilgaarsiinta C/raahiid Maxamed Axmed
Wasiir C/raahiid Maxamed Axmed ayaa saacad kahor bartiisa Twitterka ku shaaciyay inay la saxiixdeen Shirkadda Coastline Exploration LTD (Ex SOMA OIL) 7 xirmood oo shidaalka ah, isla markaana uu garab ku siiyay Madaxweyne Farmaajo.
Qoraal kasoo baxay Xafiiska Ra’iisul Wasaare Rooble ayaa waxaa lagu sheegay in heshiiska uu saxiixay Wasiirka Batroolka ee la xiriira arrimaha Shidaalka Soomaaliya uu yahay mid sharci darro ah oo aan loo marin waddo shirci ah.
“Heshiiska la sheegay in Wasiirka Batroolku uu saxiixay ee la xiriira arrimaha Shidaalka Soomaaliya waa mid sharci darro ah oo aan loo marin waddo shirci ah sidaas darteed waxba kama jiraan†ayaa lagu yiri Qoraalka kasoo baxay Rooble xafiiskiisa.
Ra’iisul Wasaaraha ayaa la caddeeyay inuu qaadi doonaa tallaabooyin sharci ah oo looga jawaabayo falkaas xadgudubka ku ah hantida Qaranka iyo dhaxalka Jiilalka soo socda si loo ilaaliyo amaanada Ummadda Soomaaliyeed.
Dhinaca kale War-saxaafadeed kasoo baxay Madaxtooyada ayaa waxaa lagu sheegay in in heshiiska uu saxiixay Wasiirka Batroolka iyo Macdanta Xukuumadda xilgaarsiinta uusan wax wadatashi ah kala yeelanin Madaxweyne Maxamed Cabdullaahi Farmaajo.