Waxaa dhowr iyo toban daqiiqo kahor Isbitaal ku yaalla Magaalada Muqdisho ku geeriyooday Mulaxanka weyn ee Cabdikarikn Faarax Qaareey oo loo yaqaanay Jiir oo kamid ahaa Hobolada Qaranka Waaberi.
Marxuumka Cabdikarikn Faarax Qaareey ayaa maalmihii lasoo dhaafay ku xanuunsanayey Isbitaalka Digfeer ee Muqdisho, waxaana xanuunkii halkaas ugu geeriyooday Maanta, isagoo markii hore laga deyrinayey xaaladdiisa Caafimaad.
Qaar kamid ah Ehelada Cabdikarikn Qaareey ayaa xaqiijiyay geeridiisa, isla markaana waxaa ka tacsiyeeyay geerida Abwaano, Fanaaniin iyo Mas’uuliyiin kale, iyagoona Alle uga baryay inuu u naxariisto Mulaxanka weyn ee Cabdikarikn Jiir.
Saacadaha soo socda ee Maanta ayaa lagu wadaa in Marxuum Cabdikarikn Faarax Qaareey Aas loogu sameeyo qabuuro ku yaalla Magaalada Caasimadda ah ee Muqdisho.
Cabdikarikn Qaareey ayaa wuxuu ka mid ahaa Raggii iyo gabdhihii lagu aas-aasay kooxdii iftin. Ragga ay kooxdaas wada billaabeen waxaa ka mid ahaa Abwaan Xasan Sheekh Muuumin.