Wasiirka Warfaafinta Xukuumadda xilgaarsiinta Cismaan Abuukar Dubbe ayaa ka tacsiyeeyey geeridii ku timid Allaha u naxariistee Maareeye ku xigeenkii Tiyaatarka Qaranka Cabdikariin Faarax Jiir oo ku geeriyooday magaalada Muqdisho.
Wasiirka ayaa Marxuumka Alle uga baryey inuu Janadiisa Fardowso ka waraabiyo, sidoo kale qoyska, qaraabada iyo dhammaan umadda Soomaaliyeed oo ay ugu horeeyaan saaxiibadiisii shaqada ee wasaaradda warfaafinta ayuu u rajeeyey samir iyo iimaan.
Marxuumka Cabdikarikn Faarax Qaareey ayaa maalmihii lasoo dhaafay ku xanuunsanayey Isbitaalka Digfeer ee Muqdisho, waxaana xanuunkii halkaas ugu geeriyooday Maanta, isagoo markii hore laga deyrinayey xaaladdiisa Caafimaad.
Saacadaha soo socda ee Maanta ayaa lagu wadaa in Marxuum Cabdikarikn Faarax Qaareey Aas loogu sameeyo qabuuro ku yaalla Magaalada Caasimadda ah ee Muqdisho.
Cabdikarikn Qaareey ayaa wuxuu ka mid ahaa Raggii iyo gabdhihii lagu aas-aasay kooxdii iftin. Ragga ay kooxdaas wada billaabeen waxaa ka mid ahaa Abwaan Xasan Sheekh Muuumin.
