Dagaalamayaasha Al-Shabaab ayaa sheegtay in ay weeraro Qorsheysan ka fuliyeen Magaalada Muqdisho ee Caasimadda Soomaaliya.
Warar lagu faafiyay Baraha Internet-ka ee ku hadla Afka Al-Shabaab ayaa lagu sheegay in siyaabo kala duwan ay Al-Shabaab dilal kaga fuliyeen Xaafado ka mid ah Muqdisho, waxaana ay intaa ku dareen in ugu yaraan ay labo ruux dileen.
Al-Shabaab ayaa sheegtay in Baraqanimadii maaanta ay Xaafadda carrafaad ee Degmada Yaaqshid ay ku dileen, Xuseen Ciidgale oo sida ay sheegen  katirsanaa Ergada xildhibaannada baarlamaanka kasoo xulay dhanka deegaannada Gobolada Waqooyi ee Somaliland.
Dilka ayaa waxaa fuliyay dabley hubeysan, kuwaasi oo sidoo kale dil ka fuliyay degmada Dharkenley ee Gobolkani Banaadir, waxaana ay intaa ku dareen in ay dileen tababare hore oo Millateri, kaasi oo ay magaciisa kusoo koobeen Aadan Jiira Kuuloow.
Ilaa iyo hadda laamaha ammaanka Gobolka Banaadir wax war ah kama soo saarin dilalkaasi ay Al-Shabaaab sheegteen in ay Muqdisho ka gaysteen.