Madaxweynihii hore ee Soomaaliya ahna Guddoomiyaha Midowga Musharaxiita Sheekh Shariif Sh Axmed ayaa Maanta Magaalada Muqdisho kulan kula qaatay Safiirka Midowga Yurub u qaabilsan Soomaaliya Amb. Tina Intelmann.
Kulanka dhexmaray Sheekh Shariif iyo Safiir Tina Intelmann ayaa waxaa looga wada hadlay Arrimo kala duwan oo ay kamid yihiin xaaladdihii ugu dambeeyay ee siyaasadda dalka Soomaaliya gaar ahaan Arrimaha doorashooyinka socda.
Sidoo kale inta uu socday kulanka labada dhinac ayaa waxaa looga arrinsaday Arrimaha ammaanka dalka, Abaaraha baahsan ee xiligaan jira iyo kaalmada ay Midowga Yurub ku bixiyaan Soomaaliya, iyo taageerada ay siiyaan dowladda Federaalka.
Madaxweynihii hore ee Soomaaliya ahna Guddoomiyaha Midowga Musharaxiita Sheekh Shariif Sh Axmed ayaa Midowga Yurub uga mahadceliyay taageerada ay siiyaan dowladda Federaalka, taasi oo ku saleysan dhinacyo kala duwan.
