Doorashada shan kursi oo kamid ah kuraasta Golaha Shacabka Baarlamaanka 11-aad ee dowladda Federaalka ayaa Maanta oo Axad ah lagu wadaa in lagu qabto Magaalada Baydhabo ee Xarunta Gobolka Baay ahna Caasimadda KMG ah ee Koonfur Galbeed.
Guddiga doorashada Koonfur Galbeed ayaa maalintii shalay soo gaba-gabeeyay diiwaan-gelinta iyo shahaado siinta Musharaxiinta u tartamaya kuraasta Golaha Shacabka ee doorashadoodu saacadaha soo socda ka dhaceyso Magaalada Baydhabo.
Guddiga doorashada Maamulka ayaa Maanta dhammeeystiraya kuraasta Golaha Shacabka ee taalla Baydhabo, waxaana Magaaladaas lagu doortay 17 Xildhibaan oo kamid noqday Baarlamaanka 11-aad ee dowladda Federaalka Soomaaliya.
Kuraasta la qorsheeyay in Maanta doorashadoodu la qabto ayaa waxaa ay tirsigoodu kala yihiin HOP#188 Â oo ay ku tartami doonaan Maxamed Cabdi Maxamed iyo Cabdisamed Aadan Isaaq, kursiga HOP# 185 oo ay ku tartamayaan Maxamed Nuur Maxamed iyo Cabdiraxmaan Isaaq Maxamed.
Sidoo kale kursiga HOP#175 ayaa waxaa ku loolami doona Aadan Maxamed Ibraahim, iyo Cabdirishiid Nuur Jilley, kursiga HOP#159 ayaa waxaa loo diiwaan-geliyay Maxamed Bare Maxamuud iyo Cabdullaahi Maxamed Isaaq, halka HOP# 177 ay ku tartami doonaan Maxamuud Abuukar Kheyre iyo Cabduqaadir Sheekh Cali Barak.
