Wasiirka Amniga Xukuumadda Federaalka Soomaaliya Cabdullaahi Maxamed Nuur ayaa si faah faahsan kaga warbixiyay  shirkii Shalay ay yeesheen Golaha wasiiradu iyo arrimaha la xariira Ciidankii la geeyay Magaalada Baladweyne.
Wasiirka ayaa in Ciidamada Baladweyne aysan jirin cid kala tashatay wasaaraddiisa, sidoo kalena aysan waxba ka ogayn.
Waxaa uu carrabka ku dhiftay Wasiirka amnigu in Ciidanka la geeyay Halkaasi ay sahaydooda iyo dhammaan qarashaadkooda ay bixiyeen shaqsiyaad gaar ah, taasi oo uu sheegay in shaki weyn ay abuurtay u jeedka saxda ah ee Baladweyne loo geeyay Ciidankaasi sida aadka ah u hubeysan.
Sidoo kale waxaa uu ka hadlay arrimaha ku aaddan Suuqa Bakaaraha oo dadka ganacsatada ahaa ay xireen goobahooda ganacsiyada, waxaana uu intaa ku daray in tallaabo deg deg ah ay qaadi doonaan, isagoo intaa ku daray in Mas’uuliyiintii ammaanka suuqa shaqada ku lahaa lala xisaabtami doono.
Shalay ayay ahayd markii Galaha Wasiirada Xukuumadda Rooble ay amar ku bixiyeen in dib loo soo celiyo Ciidankii la geeyay Baladweyne, kuwaasi oo wasaaradaha Dowladdu ay sheegen in aysan waxba kala socon Ciidankaasi.