Maleeshiyo taabacsan Daacish ayaa la sheegay inay weerar gaadmo ah ku qaadeen Bar Kontorool oo ay Ciiddanka Masaarida ku leeyihiin Gacan-biyoodka Siinaay ee Waqooyiga dalkaasi.
Saraakiisha ayaa sheegay in weerarkaasi lagu dilay ugu yaraan 5 Askari oo ka tirsan Ciiddanka Ammaanka ee dalkaasi, iyadoo 6 kalena lagu dhaawacay.
Maleeshiyada oo aad u hubeysnaa waxay kaloo weerareen Degmadda Shiikh Zuweyd iyo Isbitaal Milliteri oo ku yaalla magaalladda Al-Cariish ee kaabiga ku haysa Badda Mediterranean-ka.
Dhinaca kale, Ciiddanka Ammaanka waxay sheegeen inay Iska-horimaadkaasi ku dileen 3 ka tirsan Maleeshiyadii Daacish ee weerarka soo qaaday.
Milliteriga Masar waxay Maleeshiyooyin kula dagaalamayaan  qeybo ka mid ah Gacan-biyoodka Siinaay tan iyo markii ay Ciiddanka xilka ka tureen Madaxweynihii La-doortay ee dalkaasi , Maxamed Mursi sanadkii 2013-kii.
