Xoghayihii hore ee Difaaca ee dalka Maraykanka oo geeriyooday

Donald Rumsfeld oo ahaa Xoghayihii Difaaca ee dalkaasi ee xilligii uu socday dagaalkii Iraq ayaa geeriyooday, isagoo 88-jir ahaa.

Qoraal ay Qoyskiisa xalay soo dhigeen Barta Twitter-ka ayeyna ku xaqiiiyeen inuu ku geeriyooday magaalladda TAOS ee Gobalka New Mexico ee dalkaasi

Donald Rumsfeld waxa uu Xoghayihii Difaaca ka ahaa Dowladii Madaxweynihii hore ee George Bush sanadihii 2001-dii ilaa 2006-dii.

Waxa kale oo uu horey u soo noqday Xoghayihii Difaaca ee ugu da’da yaraa Taariikhda dalka Maraykanka ,kadib, markii uu Xilkaasi qabtay Xilligii Madaxweynihii hore ee dalkaasi, Gerald Ford muddadii u dhexeysay sanadihii 1975-kii ilaa 1977-kii.

Waxa uu kaalin dhexe ku lahaa Duullaankii ay Maraykanka ku galeen Afganistan sanadkii 2001-dii iyo kii ay Maraykanka ku qabsadeen dalka Iraq sanadkii 2003-dii ee sababay dhimashada Kumanaan qof oo ku noolaa labadaasi dal.