Dad ku naf-waayay Qaraxyo xoogan oo ka dhacay Suuq ku yaal Shiinaha

Wararka naga soo gaarayo magaalladda Shiyaan ee Gobalka Hubeey ee dalka Shiinaha waxay sheegayaan inay ugu yaraan 12 qof ku geeriyootay, 39 kalena si xun ugu dhaawacmeen, kadib, markii ay qaraxday dhuun gaaska qaata maanta oo Axad ah.

Saraakiisha Degmadda Shiyaan waxay Barahooda Bulshadda ee Rasmiga soo dhigeen inuu Qaraxaasi dhacay Waaberigii hore ee saakayto, isla markaana in ka badan 150 qof la dhigay Isbitaalka.

Dadka ay dhibaatada ugu badan soo gaartay ayaa isugu jiray Ganacsato, Ilaalo iyo Macaamil ku sugnaa Suuq Cuntada lagu iibiyo.

Shalay ayey ahayd, markii ay 8 qof ku geeriyootay Kiimiko ka soo butaacday Wershad Kiimiko oo ku taalla Degmadda Guyanjg ee K/Galbeed ee dalka Shiinaha.